Almatyda BRT (jedel avtobýs kóligi) jelisiniń negizgi ýchaskeleriniń biri synaq rejıminde iske qosyldy. Ol Jeltoqsan kóshesiniń boıymen ótip, qalanyń eki negizgi magıstrali Tımırıazev kóshesi men Raıymbek dańǵylyn baılanystyrady, dep jazady Egemen.kz.
Jyldam tasymaldaıtyn avtobýstar qalanyń ortalyq bóligindegi keptelis ýaqytyn qysqartyp, jolaýshylar tasymalynyń sapasyn arttyrýy tıis.
Qala ákimdiginiń málimetinshe, bul ýchaskedegi barlyq negizgi ınfraqurylym jumystary aıaqtalǵan. Aıaldamalar ornatylyp, jaıaý júrginshiler joly abattandyrylyp, kóshelerge qosymsha jaryq beretin qurylǵylar ornatylǵan.
Jeltoqsan kóshesi boıymen ótetin keı baǵyttaǵy avtobýstar 14 jeltoqsanda ashylady dep josparlanyp otyr. Raıymbek dańǵylynda BRT ınfraqurylymyn ornatý jumystary kelesi jyldyń sońyna deıin aıaqtalady.