Aýyl sharýashylyǵy mınıstriniń orynbasary Amanǵalı Berdalın ortalyq kommýnıkasııalar qyzmetinde ótken baspasóz máslıhatynda turǵyndardan respýblıkalyq joldardy mal kirmeıtindeı qorshaý ornatý týraly ótinish kóp túsip jatqanyn aıtty, dep jazady Egemen.kz
— Jol boıyndaǵy maldy kólik apatynan qorǵaý úshin shetin qorshaý kerektigi kópten beri aıtylyp keledi. Qazir ondaı qorshaý tek I sanattaǵy respýblıkalyq mańyzdaǵy joldarǵa ǵana ornatylady eken. «QazAvtoJol» kompanııasyna Aýyl sharýashylyǵy mınıstrligi búkil respýblıkalyq mańyzdy joldarǵa mal ótpeıtin qorshaý ornatý týraly ótinish jasaı ala ma, — dep surady jýrnalıst.
Vıse-mınıstr bul bastamany qoldaýǵa ázir ekenin aıtty.
— Mundaı máseleniń bárin aýyl sharýashylyǵy mınıstrligi qoldaıdy. О́zińizge de osyndaı másele kóterip otyrǵanyńyz úshin rahmet. О́ıtkeni bul qazir halyq kóp kóterip júrgen negizgi taqyryptyń biri. Biz jergilikti ákimdikter bar, óz tarapymyzdan da, bárimiz birge jumys isteýimiz kerek dep oılaımyn, — dedi Amanǵalı Berdalın.