Prezıdent Qasym-Jomart Toqaev Qyrǵyzstannyń basshysy telefon arqyly tildesti. Bul týraly Aqorda málim etti.
— Prezıdentter ekijaqty yqpaldastyq qarqyndy túrde damyp kele jatqanyn atap ótti. Sonymen qatar joǵary deńgeıde, sonyń ishinde Qasym-Jomart Toqaevtyń bıyl 21-22 tamyzda Qyrǵyzstanǵa jasaǵan resmı sapary aıasynda qol jetkizilgen ýaǵdalastyqtardy júzege asyrý barysyn talqylady. Áńgimelesý barysynda Qasym-Jomart Toqaev Sadyr Japarovty týǵan kúnimen quttyqtap, baýyrlas qyrǵyz halqynyń ıgiligi jolynda atqaryp jatqan memlekettik qyzmetine tabys tiledi. Memleket basshysy Qyrǵyzstan Prezıdentiniń eki eldiń dostyq, tatý kórshilik jáne ózara qoldaý rýhyndaǵy san qyrly yntymaqtastyǵyn keńeıtýge qosqan eleýli úlesin joǵary baǵalaıtynyn jetkizdi, — delingen habarlamada.