Jambyl oblysynda 19 eldi meken taza aýyz sýmen qamtamasyz etildi. Prezıdent tapsyrmasyn júıeli túrde júzege asyrý maqsatynda jalpy somasy 13,9 mlrd qarajat bólingen, dep habarlaıdy Egemen.kz.
Jambyl oblysy ákimdigi energetıka jáne turǵyn úı kommýnaldyq sharýashylyq basqarmasynyń basshysy Ǵalym Isaqovtyń aıtýynsha, óńirdegi eldi mekenderdi taza aýyz sýmen qamtamasyz etý jumysy talapqa saı júrgizilip jatyr.
«Búginde ortalyqtandyrylǵan taza aýyz sý qubyryn júrgizý boıynsha 19 eldi mekende jáne 5 turǵyn alaptyń qurylys jumystary tolyq aıaqtalyp, turǵyndar sapaly aýyz sýmen qamtamasyz etildi. Sondaı-aq 3 eldi meken men 4 turǵyn alaptyń qurylys jumystary aıaqtalyp, nysandardy qabyldaý-tapsyrý jumystary júrgizilýde. Qalǵan 2 nysandaǵy qurylys kólemi 90 paıyzǵa deıin aıaqtalyp otyr. Jalpy barlyq nysandardaǵy qurylys jumystary turaqty baqylaýda. Jyl sońyna deıin barlyq nysandardaǵy qurylys jumystaryn aıaqtap, turǵyndar 100 paıyz sapaly aýyz sýmen qamtylady», deıdi basqarma basshysy.