Almatylyq polıseıler «Ýchaske» jedel-profılaktıkalyq is-sharasy aıasynda kópqabatty turǵyn úılerdi tekserdi. Tekserý barysynda Áýezov aýdanynda úıin zerthanaǵa aınaldyrǵan turǵyn qolǵa tústi, dep jazady Egemen.kz.
Onyń páterinen ósirýge tyıym salynǵan, quramynda esirtki zattary bar ósimdikter tabylǵan. Oqıǵa ornynda qajetti bastapqy prosessýaldyq sharalar júrgizilgen.
Qazirgi ýaqytta keshendi tergeý sharalary júrgizilip, zańsyz áreketti uıymdastyrýǵa qatysy bar tulǵalar men ózge de derekter jınalyp jatyr.
IIM atalǵan faktige qatysty qylmystyq is qozǵalǵanyn habarlady.
«Esirtkige qatysty kez kelgen zańsyz áreket qoǵam úshin qaýipti. Sondyqtan zań aıasynda eń qatań sharalar qabyldaýdy jalǵastyramyz. Aýdan turǵyndaryn kúmándi jaıttardy der kezinde habarlap, úı men aýlanyń qaýipsizdigin birge qamtamasyz etýge shaqyramyz», dedi Áýezov aýdandyq polısııa basqarmasynyń bastyǵy Danııar Mendebaev.