Depýtat Murat Ábenov messendjerlerdegi hat almasýlar men daýystyq habarlamalarǵa zańdy kúsh berilýi múmkin ekenin aıtty, dep habarlaıdy Egemen.kz.
M.Ábenovtiń sózinshe, depýtattar zańǵa kelisimsharttyń keńeıtilgen túsinigin bekitetin normalardy engizdi. Bul ásirese kóptegen mámileler onlaın formatta jasalyp jatqan qazirgi jaǵdaıda mańyzdy.
«Biz kelisimsharttyń formasyn da naqtylap jazdyq. Qazir qolymyzda qaǵaz túrindegi shart joq, bári onlaın. Kez kelgen áńgimemiz, beınejazba, WhatsApp-taǵy hat almasý, tipti jarnama da kelisimsharttyń quramdas bóligi bolyp sanalady. Eger biz hat jazyssaq, men saǵan Kaspi arqyly aqsha jibersem, sen maǵan úsh jyldyq kepildik berýge ýáde etseń – munyń bári kelisimshart bolyp esepteledi», dedi depýtat.
Ábenov atap ótkendeı, endi satýshy nemese qyzmet kórsetýshi qol qoıylǵan qujat joq degen syltaýmen mindettemeden bas tarta almaıdy.
«Eger shart oryndalmasa, satýshy: «Bizde kelisimshart bolǵan joq, men eshteńege qol qoıǵan joqpyn» dep aıta almaıdy. Búkil hat almasý kelisimshart bolyp sanalady. Biz muny arnaıy zańǵa engizip otyrmyz, sebebi azamat qorǵalýy tıis. Kompanııalarda myqty zańgerler bar, al qarapaıym adam qorǵansyz», dedi ol.
Ábenovtiń pikirinshe, jańa norma tutynýshylardyń quqyqtaryn kúsheıtip, azamattar men bıznes arasyndaǵy daýly jaǵdaılardy azaıtady.