Bul bólme – HH ǵasyrda jasalǵan eń erekshe optıkalyq ıllıýzııalardyń biri. Syrt kózge ol kádimgi bólmeden esh aıyrmashylyǵy joq sııaqty kórinedi. Biraq onyń ishine kirgen adam sol jaqqa qadam jasasa – alyp, ońǵa qaraı júrse, kishkentaı bolyp kórinedi.
Bul qubylystyń syry – bólmeniń geometrııasynda. Eıms bólmesi tórtburysh emes, qabyrǵalary, tóbesi men edeni belgili bir buryshpen jasalyp, keńistik trapesııa pishinin alady. Adam mıy mundaı keńistikti avtomatty túrde sharshy bólme dep qabyldaıtyndyqtan, tereńdik pen qashyqtyqty durys baǵalaı almaıdy. Sol sebepti bólmede turǵan eki adam ártúrli jerde ornalassa da, kózge boılary túrlishe bolyp kórinedi. Al aıyrmashylyqty týdyratyn keńistiktiń jasyryn qurylymy men mıymyzdyń ony túzetýge tyrysýy.