Avtokólik salasynda júk tasymaldaý kólemi 288 mln tonnany qurap, aldyńǵy esepti kezeńmen salystyrǵanda 1,7%-ǵa artqan. Bul týraly Úkimet otyrysynda Kólik mınıstri Nurlan Saýranbaev aıtty, dep habarlaıdy Egemen.kz.
Avtomattandyrylǵan ólsheý stansalary zańbuzýshylyqtardy anyqtaý kórsetkishi men bıýdjetke túsetin kiris deńgeıin 10 esege arttyrdy.
Bas prokýratýramen júrgizilgen ıntegrasııa nátıjesinde osy jyldyń 5 aıynyń qorytyndysy boıynsha aıyppul tóleý qajettiligi týraly 10 myńnan astam uıǵarym resimdeldi.
«Júkterdi avtokólikpen tasymaldaý 42 elmen júzege asyrylady. Byltyr Qytaı jáne О́zbekstanmen sheteldik ruqsat blankileri qaǵaz túrinen elektrondyq formatqa aýystyryldy», dedi Nurlan Saýranbaev.