5-6 jeltoqsanda «Atakent» iskerlik ortalyǵynda jastar arasynda eń iri digital-tehnologııalar men kreatıvti ındýstrııalar festıvali ótip, eń úzdik komandalar marapattaldy, dep habarlaıdy Egemen.kz.
Festıval AI-Sana memlekettik baǵdarlamasy aıasynda Tımýr Qulybaevtyń HALYK qaıyrymdylyq qorynyń qoldaýymen, NNEF qoǵamdyq qory men quramyna IITU, KBTU, UIB, Astana IT University kiretin University Alliance of Science and Technology joǵary oqý oryndary Alıansynyń uıymdastyrýymen ótti.
IT FEST 2025 bıyl 14-shi ret mektep oqýshylary men stýdentterdi sıfrlyq daǵdylardy qalyptastyryp, jańa tehnologııalarǵa qyzyǵýshylyǵyn arttyrýmen qatar jasandy ıntellekti nasıhattaý maqsatynda bir alańǵa jınady.
Festıvaldiń ashylý saltanatynda Ǵylym jáne joǵary bilim mınıstri Saıasat Nurbek Memleket basshysynyń Joldaýynda aıtylǵan jasandy ıntellekt tehnologııalary mamandaryn daıarlaýdyń mańyzyn atap ótti. Aıtýynsha, 3 jylda elimiz tolyqqandy sıfrly memleketke aınalýy qajet.
«Byltyrdan beri Qazaqstan jastarynyń sıfrly quziretterin damytýǵa baǵyttalǵan AI-Sana baǵdarlamasy iske asa bastady. Baǵdarlama jasandy ıntellekt jáne AI-kásipkerlik salasynda jańa býyn mamandaryn daıarlaýdy kózdeıdi. Qazirdiń ózinde 600 myńǵa jýyq stýdent arnaıy modýlderden ótip, sertıfıkat aldy. Bul modýlder jasandy ıntellekt salasynda startap jasaý, kásipkerlik negizderine baýlıdy. Kelesi kezeńderde AstanaHub aıasynda ınkýbasııa, akselerasııa jáne venchýrlyq qorlar jınaqtalyp jatyr. Onyń barysynda jyl sońyna deıin myńǵa jýyq komanda, startaptar daıyndalady. Elimizdiń sıfrlyq dáýirge naqty qadam basýy tehnologııa tilin meńgergen jas býynnyń enshisinde» dedi mınıstr.
Jasandy ıntellekt jáne sırfly damý vıse-mınıstri Dmıtrıı Mýnnyń aıtýynsha, aldaǵy úsh jylda sıfrly memleketke aınala otyryp, barlyq salalar sapaly jasandy ıntellektpen qamtamasyz etiletin bolady. Ol úshin AI-Sana aıasynda sapaly kadrlar daıarlaý mindeti tur. Mundaı is-sharalar elimizdiń barlyq aımaqtaryn qamtıdy. Qazirgi kezde jasandy ıntellekt salasynda tájirıbe jınaý maqsatynda sheteldermen dýaldy bilim almasý jolǵa qoıylǵan. AstanaHub-ta 2,5 myńnan astam, sondaı-aq el óńirlerinde óz startaptary tirkelgen bolsa, olardyń bolashaqta naryqqa engizý mindeti tur.
Jastar festıvaliniń jeńimpazdaryna Tımýr Qulybaevtyń HALYK qaıyrymdylyq qory tarapynan 10 mln teńge qarastyrylǵan. Qordyń basqarýshy dırektory Narıman Ábilshaıyqov atap ótkendeı, festıvaldiń maqsaty elimizdegi IT saladaǵy myqty mamandardy irikteý.
«Al bilim salasyn turaqty qoldap otyrý – qordyń basym mindetteriniń biri. Qor tarapynan sońǵy eki jylda bilim salasyn qoldaýǵa 9 mlrd teńge bólinse, áleýmettik jaǵdaıy tómen otbasylarǵa 2,8 mlrd teńge shamasynda grant berildi. Joǵary oqý oryndarynyń Alıansymen birlesip, bilim salasy festıvalderine qoldaý turaqty kórsetilip keledi. Oǵan sońǵy kezde 200 mln teńgeden astam qarjy bólindi» dedi N.Ábilshaıyqov.
Astana IT ýnıversıtetiniń rektory Altaır Ahmetovtyń aıtýynsha, naryqqa naqty sheshimdermen jumys isteıtin mamandar qajet. Osy maqsatta jyldan-jylǵa halyqaralyq yntymaqtastyq damyp keledi. Ýnıversıtet stýdentteriniń robototehnıka jáne ushqyshsyz ushý apparattary salasyndaǵy tehnıkalyq ázirlemeleri, JI mehanızmderin paıdalanyp aýrýdy erte dıagnostıkalaý, aýyl sharýashylyǵyna arnalǵan, taǵy basqa jobalarynyń mańyzy joǵary.
Bıyl festıvalde 3 myńnan astam oqýshy, stýdentter, jas mamandar, startap komandalar 8 mańyzdy seksııa boıynsha baq synasyp, qatysýshylar 24 saǵat boıy tehnologııalyq keısterdi oryndady.
IT FEST-te Vetnamnyń Univer Sea komandasy 1-oryn, ál-Farabı atyndaǵy Qazaq ulttyq ýnıversıtetiniń «Mimi cats» komandasy 2-oryn, Astana IT ýnıversıtetiniń «Pelmeni» komandasy 3-oryn ıegeri atandy. Ismagzı Isataı ýnıversıtettiń jyldyq oqý aqysyna 100% jeńildikke, Seıtbaı Aldııar 75% jeńildikke ıe boldy. Mansýr Mamadahýnov CYBERSECURITY CTF jeńimpazy atandy.
Hackathon seksııasynda Sıfrly ýnıversıtet júlde qory 150 000 teńgelik 3-orynǵa ıe boldy. Sıfrly ýnıversıtet ZERO komandasy 2-oryndy (júlde qory 200 000 teńge), IN VISION komandasy 1-oryndy (júlde qory 250 000 teńge) ıelendi.
No Success Hackathon: No Failures komandasy, sıfrly mektebi men Sıfrlyq ýnıversıtet 3-oryn (júlde qory 150 myń teńge) aldy.
Hackathon seksııasynda: Digital University ZERO komandasy 2-orynǵa (júlde qory 200 000 teńge), IN VISION komandasy 1-orynǵa (júlde qory 250 000 teńge) ıe boldy. No Fail komandasy marapattaldy.
Digital School 3-oryndy (júlde qory 150 000 teńge), Qore komandasy 2 oryndy (júlde qory 200 000 teńge), Termınator komandasy 1 oryndy (júlde qory 250 000 teńge) ıelendi. Sondaı-aq osy komandalarǵa MÝIT-te jyldyq oqý aqysyna 50%, 75%, 100% jeńildik berildi. Júlde qory 1 500 myń teńgeni quraıtyn «Qazaqtelekom» kompanııasynyń arnaıy syılyǵyn «Salam bratka» komandasy jeńip aldy.
Festıvalde Startup Battle – AI/ML jobalaryn qoldansa, CyberSecurity CTF – kıberqaýipsizdik boıynsha tájirıbelik tapsyrmalardy qurady. CyberSport – CS2 boıynsha týrnırler, Dota 2 men FIFA, Movie & Video – qysqa metrajdy fılmder men AI-kontent, Design & Animation – webtoon, grafıka, anımasııa, ITFEST Cup (ICPC) – algorıtmderden jaryssa, Robo Competition– robototehnıka jáne ınjenerlik ázirlemeleri boıynsha saıysqa tústi.
Almaty