ASTANA. 22 naýryz. Aqtóbede onǵa jýyq avtokólik sý qosylyp ketken benzınniń kesirinen isten shyqqan. Bul týraly auto.mail.ru habarlady.
Tarata aıtar bolsaq, oqıǵa qaladaǵy «Rostaneft» janarmaı quıý beketinen bastaý alǵan. Kompanııa ókilderi álgi isten shyqqan kólikterge sý aralasqan benzın quıylǵanyn moıyndap otyr.
«Rostaneft» kompanııasynyń zańgeri Bolat Maısútov sý qosylyp ketken sısternadaǵy benzın tıisti orynǵa tekserýge jiberilgenin, eger rasynda janar maıǵa sý aralasqanyna zańdy túrde kóz jetkizilse, zardap shekkenderdiń shyǵyndary óteletinin jetkizdi.
Qazirgi tańda nashar benzınnen buzylǵan kólikterdi jóndeý isi kútip tur. Olardy qalpyna keltirý qymbatqa túsetin kórinedi. Sondaı-aq, ózdiginen júre almaıtyn bul kólikterdi jóndeý oryndaryna jetkizý úshin evakýator qajet. Onyń qyzmetine tólenetin aqy da az emes.
Osy keleńsizdikten keıin atalmysh janarmaı quıý beketi klıentterinen aıyrylyp qalmaýy úshin AI-92 markaly benzınniń baǵasyn 99 teńgeden 95 teńgege deıin tómendetken.
Joldybaı Bazar.
Derek, sýret: auto.mail.ru.