10–13 jeltoqsan aralyǵynda Dýbaı qalasynda tirek-qımyl apparaty jáne kórý qabileti zaqymdanǵan jasóspirimder arasynda V Azııa para oıyndary ótedi.
Bıylǵy baıraqty dodaǵa álemniń 45 elinen 12–23 jas aralyǵyndaǵy 1300-den astam sportshy qatysady. Sportshylar 11 sport túrinen 481 medal jıyntyǵyn ózara sarapqa salady. Jarystarda elimiz tarapynan 60 sportshy 9 sport túrinen, atap aıtqanda, para paýerlıftıng, para jeńil atletıka, para júzý, para taekvondo, para ústel tennısi, para sadaq atý, bochcha, qol kúresi jáne golboldan baq synaıdy.
Jasóspirimder arasyndaǵy Azııa para oıyndary – jas sportshylardyń halyqaralyq arenada tájirıbe jınaýyna, ulttyq quramanyń jańa býynyn daıarlaýǵa, elimizde para sporttyń júıeli damýyna serpin beretin mańyzdy sporttyq alań. Elimizdiń ulttyq quramasy jasóspirimder arasyndaǵy Azııa para oıyndaryna buǵan deıin úsh ret qatysty. 2009 jyly Tokıo qalasynda ótken alǵashqy oıyndarda jasóspirimderimiz 7 altyn, 12 kúmis, 4 qola medal jeńip aldy. 2013 jyly Kýala-Lýmpýrda ótken ekinshi oıyndarda 12 altyn, 15 kúmis, 12 qola medal ıelendi. 2017 jyly Dýbaıda uıymdastyrylǵan úshinshi oıyndarda 6 altyn, 4 kúmis, 2 qola medal enshiledi.