Álemde alǵash ret Aýstralııa bıligi kámelettik jasqa tolmaǵan balalardyń TikTok, YouTube, Instagram jáne Facebook sııaqty iri áleýmettik jelilerge kirýine tyıym saldy, dep habarlaıdy Egemen.kz.
CNA agenttiginiń málimetinshe, zań aıasynda eń tanymal on ınternet-platformaǵa túngi saǵat 12-den bastap kámeletke tolmaǵandarǵa áleýmettik jelilerge kirýge qoljetimdilikti buǵattaý mindettelgen. Talapty oryndamaǵan kompanııalar 49,5 mıllıon aýstralııalyq dollarǵa (shamamen 33 mln AQSh dollary) deıin aıyppul tóleýi múmkin.
Zań bir jaǵynan tehnologııalyq alpaýyttardyń jáne sóz erkindigin jaqtaýshylardyń qarsylyǵyn týdyrsa, ekinshi jaǵynan ata-analar men bala quqyqtaryn qorǵaıtyn uıymdardyń qoldaýyna ıe boldy.
Qazaqstanda da 16 jasqa deıingi balalardyń áleýmettik jelilerge qoljetimdiligin retteıtin zań jobasy ázirlendi. Biraq sarapshylar belgili bir jas sanatyna ǵana shekteý qoıý qıyndyq týdyratynyn atap ótti.