«Qazgıdromet» RMK 10 jeltoqsanǵa arnalǵan aýa raıy boljamyn jarııalady. Boljamǵa sáıkes elimizdiń keıbir óńirlerinde qatty aıaz bolady, dep habarlaıdy Egemen.kz.
Batys aımaqtarda kóbine jaýyn-shashynsyz, túnde tuman baıqalady. Keı óńirlerde (Mańǵystaý, Atyraý) jańbyr men qar jaýyp, kóktaıǵaq kútiledi. Jel shyǵys, ońtústik-shyǵys baǵyttan sekýndyna 9-14 metrge deıin, keı jerde 15-20 metrge deıin soǵady. Aýa temperatýrasy túnde 4-18° aıaz, keı aımaqta 0° shamasy, kúndiz 0…5° aıaz, Mańǵystaýda 1-3° jyly.
Soltústik jáne ortalyq óńirlerde qatty aıaz saqtalady. Túnde 20-30° aıaz, kúndiz 12-20° aıaz bolady. Keı aımaqtarda (Pavlodar, Qaraǵandy, Ulytaý) qar, boran, kóktaıǵaq, tuman kútiledi, jel sekýndyna 9-14 metrge deıin, ekpini 15-20 metrge deıin jetedi. Astana men Kókshetaýda jaýyn-shashynsyz, biraq 24-30° aıaz bolady.
Shyǵysta qar, boran, kóktaıǵaq kútiledi. Keı jerde (О́skemen, Semeı) qar kúsheıip, burqasyn soǵady. Jel sekýndyna 9-14 metrge deıin, ekpini 20-23 metrge deıin jetedi. Aýa temperatýrasy túnde jáne kúndiz 18-27° aıaz, keıin odan ári tómendeıdi. Tuman túnde jáne tańerteń bolýy múmkin.
Ońtústikte keı jerlerde qar jaýyp, taýly aımaqtarda boran jáne kóktaıǵaq baıqalady. Jel sekýndyna 8-15 metrge deıin, taýly aımaqtarda 20 metrge deıin kúsheıedi. Aýa temperatýrasy túnde 3-12° aıaz, taýda 15° aıazǵa deıin; kúndiz 0…8° jyly, taýly óńirlerde 5-11° aıaz. Almaty men Qonaevta qar jaýady. Shymkent pen Túrkistanda túnde -5…-8°, kúndiz 0…3° jyly.