ASTANA. 22 naýryz. AQSh-tyń Florıda shtatyndaǵy Palm-Beı qalasynda óziniń alty jasar qyzyn pyshaqtap óltirip, taǵy eki ulyn jaraqattap tastaǵan áıel ustaldy. Bul týraly The New York Daily News habarlady.
Polısııa shaqyrtýmen 33 jastaǵy Djessıka Makkartıdiń úıine kelgende, olar áıeldiń qolynan qasapshynyń pyshaǵyn kóredi. Qabiletsiz halde turǵan onyń denelerinde úlken jaraqattardyń izi baıqalǵan. Polıseıler tynyshtandyrý úshin oǵan birneshe ret travmatıkalyq tapanshadan oq atqan.
Anyqtalǵandaı, áıeldiń óziniń úsh balasyna pyshaq salyp alǵan eken. Sonyń ishinde alty jastaǵy qyz aýrýhanada jantásilim etedi. Al biri bes jastaǵy, ekinshisi segiz aılyq eki ul bala aýyr jaraqattar alypty.
Kórshilerdiń aıtýlarynsha, otbasy bul úıge jarty jyl buryn ǵana kóship kelipti.
Murat Aıtqoja.