El tarıhynda alǵash ret Qashaǵan ken ornynan óndirilgen munaıdyń bir bóligi «Atasý – Alashankoý» qubyry arqyly Qytaıǵa jóneltiledi, dep habarlaıdy Egemen.kz.
Reuters agenttiginiń derekterine súıensek, jeltoqsan aıynda Qazaqstan bul marshrýt arqyly shamamen 50 myń tonna munaı tasymaldaýdy josparlap otyr.
Aıta keteıik, Qashaǵan munaıy negizinen Kaspıı qubyr konsorsıýmy (KTK) júıesi arqyly eksporttalýy tıis edi. Bul jol Qazaqstan munaıynyń shamamen 80%-yn qamtıdy. Alaıda, 29 qarashada Novorossıısk qalasynda ornalasqan port aýdanyndaǵy teńiz ınfraqurylymyna ushqyshsyz qurylǵylar shabýyldap, aılaqtaǵy ATQ-2 qondyrǵysy isten shyqty. Termınaldy qalpyna keltirý jumystary 11-13 jeltoqsanǵa deıin sozylady.
Qashaǵan munaıyn Qytaıǵa baǵyttaý strategııalyq turǵydan tıimdi sheshim sanalady. Ken ornyn ıgeretin NCOC konsorsıýmyna qytaılyq CNPC kompanııasy da múshe. CNPC shamamen 30 myń tonna munaı alady, al qalǵan 20 myń tonna – konsorsıýmdaǵy Inpex kompanııasynyń úlesi.
Bul qubyr Qazaqstan men Qytaıdyń Shyńjań aımaǵyn baılanystyrady. Qazir basqa ken oryndarynyń munaıyn tasymaldaýǵa paıdalanylady. Aı saıyn shamamen 85-86 myń tonna munaı ótkiziledi.