Almatyda 65-marshrýttaǵy avtobýs aıaldamada turǵan trolleıbýsqa soǵylyp, saldarynan bir jolaýshy zardap shekti. Polısııa oqıǵanyń naqty sebepterin anyqtap jatyr, dep habarlaıdy Egemen.kz.
Jol-kólik oqıǵasy 11 jeltoqsan kúni saǵat 11:50-de Medeý aýdanynda bolǵan. Qalalyq polısııa departamentiniń habarlaýynsha, 65-marshrýttaǵy avtobýs Dostyq dańǵyly boıymen ońtústik baǵytta qozǵalyp kele jatyp, Bógenbaı batyr kóshesindegi aıaldamada turǵan trolleıbýsqa soǵylǵan.
Oqıǵa saldarynan 1966 jyly týǵan áıel jaraqat alǵan.
Polısııa qazir jol-kólik oqıǵasynyń barlyq mán-jaıyn anyqtaý úshin tergeý júrgizip jatyr.