Prezıdent tapsyrmasymen óńirlerde balabaqshalardy iske qosý jónindegi 2023-2027 jyldarǵa arnalǵan qadamdyq jospar bekitilgen, onyń sheńberinde 2027 jylǵa deıin 300 myń oryn paıdalanýǵa berilýi tıis. Al 2-6 jas aralyǵyndaǵylardyń balabaqshamen qamtylý kórsetkishi 2025 jyly 95,9%-ǵa deıin jetken, dep jazady Egemen.kz.
Bul týraly Ortalyq kommýnıkasııalar qyzmetinde (OKQ) ótken brıfıng barysynda belgili boldy.
«2023 jyldan bastap búginge deıin 182 myń jańa oryn ashyldy. Byltyrǵy jylmen salystyrǵanda bıyl 2-6 jas aralyǵynda kezekte turǵan balalar sany 2 ese (33,3%-ǵa) qysqardy», dedi Oqý-aǵartý birinshi vıse-mınıstri Maıra Meldebekova.
2019 jyldan beri mektepke deıingi uıymdardyń sany da artqan. Naqty ataǵanda, 8,6%-ǵa kóbeıip, 10 650-den 12 myńǵa deıin jetken. Sol uıymdarda búginde 1 mln-nan astam búldirshin tárbıelenip júr.
Búginde barlyq memlekettik bilim berý uıymdary, sondaı-aq jekemenshik balabaqshalardyń 94 paıyzy memlekettik bilim berý tapsyrysymen qamtylǵan eken.