Mánshúk Mámetova atyndaǵy Oral halyqaralyq áýejaıy О́zbekstannyń eń iri jeke áýekompanııasy Centrum Air-men yntymaqtastyqty bastady. Áýejaı baspasóz qyzmetiniń habarlaýynsha, Oral – Tashkent baǵytyndaǵy tikeleı reıster 2026 jyldyń 29 naýryzynan bastap ushady, dep habarlaıdy Egemen.kz.
Áýe qatynasy aptasyna eki ret bolady, araǵa Airbus A320 laıneri qatynamaq. Jańa baǵyt boıynsha bılet quny Oraldan Tashkentke 40 myń teńgeden, keri baǵytta 55 myń teńgeden bastalady. Bıletter áýekompanııanyń saıtynda qazirdiń ózinde satyla bastady.
Oraldyq jolaýshylar endi Tashkent arqyly yńǵaıly tranzıttik múmkindikterdi de paıdalana alady: saıahatshylar bolashaqta marshrýtty Dýbaı, Denpasar (Balı), Seýl, Doha, Ystyqkól, Delı, Male jáne Centrum Air-diń marshrýttyq jelisindegi basqa tanymal halyqaralyq baǵyttarǵa ońaı jalǵastyryp kete bermek.
«Mereke kúnderin áserli saıahatqa jalǵaý úshin áýekompanııamen kelisim jasap, qosymsha eki kúnge – 23 jáne 25 naýryzǵa bılet satyla bastady. Biz qoljetimdi kúnder sanyn kóbeıtemiz, sol arqyly siz demalý múmkindigińizdi arttyrasyz», deıdi áýejaı ákimdigi.
Árıne, Oral áýejaıynyń bul jańa baǵyty Qazaqstan men О́zbekstan arasyndaǵy yntymaqtastyqty odan ári damytyp, halyqaralyq týrızmdi qol jetimdi jáne yńǵaıly eteri anyq.