ASTANA. 22 naýryz. Ýkraına buqaralyq aqparat quraldary eldiń burynǵy prezıdenti Vıktor Iаnýkovıchtiń uly Vıktordyń Baıkal kóline sýǵa batyp ketkenin jarııa etti. Bul týraly RIA «Novostı» habarlady.
Al Reseıdiń tótenshe jaǵdaılar mınıstrliginiń jedel shtaby tótenshe jaǵdaı nátıjesinde Baıkal kólinde Máskeý qalasynyń týmasy Vıktor Davydovtyń qaza tapqanyn baıandady.
Obozrevatel.com málimetine qaraǵanda, kishi Vıktor Iаnýkovıch balyq aýlap júrgeninde muzdyń astyna túsip ketken kólikpen birge batqan.
О́z kezeginde LB.ua basylymy kishi Iаnýkovıchti Baıkaldyń ústinde ótken sport sharasyna qatysqan etip shyǵarýda.
Tótenshe jaǵdaılar mınıstrligi Irkýtsk oblystyq bas basqarmasy Baıkalda bolǵan qaıǵyly oqıǵany rasqa shyǵardy. Biraq qaza tapqan kim ekenin ashyp aıtyp otyrǵan joq. Budan bir kún buryn, keshe kóldiń Olhon araly mańyndaǵy aýmaǵynda shynynda muzdyń oıylyp ketý faktisi oryn alǵan. Tótenshe jaǵdaılar mınıstrliginiń tujyrymynsha, oqys oqıǵa «qaýipsizdik tehnıkasynyń óreskel buzylýynyń» saldarynan bolǵan.
Aıtýlaryna qaraǵanda, kóliktiń ishinde alty adam bolǵan. Ol sýǵa bata bastaǵanda bes jolaýshy aman-esen shyǵyp úlgergen de, júrgizýshi qaza tapqan.
Tótenshe jaǵdaılar jedel shtaby ókiliniń «Novostı» agenttigine bergen málimeti boıynsha, Baıkal kólinde oryn alǵan oqıǵanyń saldarynan qaza tapqan Máskeý qalasynyń 1981 jyly týǵan týmasy Vıktor Alekseevıch Davydov kórinedi.
Murat Aıtqoja.
Derek, sýret: RIA «Novostı».