Qazaqstan men Koreıa «Alatau Smart City» jobasyn damytý boıynsha yntymaqtastyq týraly memorandýmǵa qol qoıdy.
Premer-mınıstrdiń orynbasary Qanat Bozymbaev Koreıanyń sheteldik ınfraqurylym jáne qalalyq damý korporasııasynyń (KIND) prezıdenti jáne bas dırektory Kım Pok-hvanmen kezdesý ótkizdi.
Astanada ótken kezdesý qazan aıynda Seýlde «Alatau Rise with Kazakhstan» roýd-shoýy aıasynda ótken kelissózderdiń jalǵasy boldy. Is-sharada qazaqstandyq tarap Alataý smart-qalasyn eldiń strategııalyq mańyzdy jobalarynyń biri retinde tanystyrdy.
«Kóptegen koreı kompanııalary bizdiń keleshegi zor «Alatau Smart City» jobamyzdy qoldady, bul bizdi qýantady. KIND ınfraqurylymdyq qurylys jobalaryna, sonyń ishinde energetıka, sýmen jabdyqtaý, sý tazartý, sarqyndy sýlardy óńdeý jáne sý burý, qatty turmystyq qaldyqtardy qaıta óńdeý baǵyttaryndaǵy jobalarǵa EPC-kelisimsharttary nemese development formaty boıynsha qatysa alady», dedi Qanat Bozymbaev.
Kezdesý barysynda taraptar logıstıka jáne port ınfraqurylymy salasyndaǵy ózge de áleýetti jobalar boıynsha birlesip jumys isteý múmkindikterin talqylady. Keń aýqymdy yntymaqtastyq áleýetin eskere otyryp, vıse-premer KIND basshysyna Qazaqstanda korporasııa keńsesin ashýdy usyndy.
Kelissózder nátıjesinde Qazaqstan Respýblıkasynyń О́nerkásip jáne qurylys mınıstrligi, «Alatau City Authority» memlekettik qory jáne Koreıanyń sheteldik ınfraqurylym jáne qalalyq damý korporasııasy arasynda «Alatau Smart City» jobasyn damytý jónindegi ózara túsinistik týraly memorandýmǵa qol qoıyldy.