Atyraý oblysyndaǵy «Aqjaıyq» memlekettik tabıǵı rezervatynda qus pen ańnyń, ósimdiktiń, sútqorektilerdiń túr-túri bar. Al jaqynda osyndaǵy dron kamerasyna sırek kezdesetin ári syrt kózge kóp kórinbeıtin jabaıy mysyqtyń biri tústi. Bul – málin (qamys mysyǵy).
Rezervat ınspektory Ilıa Bofonovtyń deregine qaraǵanda, bul málin óte saq, ári tez jasyrynady. Adamdy alystan baıqaıdy. Qamystyń arasynan anyq baıqalmaıdy. О́ıtkeni jyrtqysh qamys túsinen aınymaıdy.
«Málinniń jasyrynatyn mekeni – qamys qalyń ósken aýmaq. Biraq onyń rezervattaǵy naqty sanyn boljaý múmkin emes. Tipti sanaı almaı júrmiz. О́ıtkeni adamnan boı tasalap aýlaq júredi», deıdi I.Bofonov.
Onyń aıtýynsha, keıingi eki jyldan beri rezervatta teplovızory bar dron qoldanylady. Rezervattyń ár tusyna fototuzaqtar qoıyldy. Dronmen kóp vıdeomaterıal jınalypty. Endi oǵan taldaý júrgiziledi.
«Biz osyndaı sırek kezdesetin ań túrlerin baqylaýdy jalǵastyra beremiz. Osy maqsatta júrgiziletin monıtorıng baǵdarlamasyn keńeıtýdi kózdep otyrmyz. Málimet tolyq jınaqtalǵan soń qamys mysyǵynyń minez-qulqy men sanyn naqty anyqtaýǵa múmkindik týady», deıdi rezervat ınspektory.
Atyraý oblysy