«Qazgıdromet» RMK 12 jeltoqsanǵa arnalǵan aýa raıy boljamyn jarııalady, dep habarlaıdy Egemen.kz.
Batysta keı jerlerde qar, jańbyr, tuman jáne kóktaıǵaq kútiledi. Jel ońtústik-batys, batys baǵyttan sekýndyna 9-14 metrge deıin, keı jerde 15-20 metrge deıin. Aýa temperatýrasy túnde 3-17° aıaz aralyǵynda, kúndiz 3°-qa deıin jylynady. Oral men Aqtaýda tańerteń qar jaýyp, kóktaıǵaq baıqalady, Atyraýda kún bultty, jaýyn-shashynsyz.
Soltústik jáne ortalyq óńirlerde aıaz kúsheıedi. Keı oblystarda (Qostanaı, SQO, Pavlodar) tuman, kóktaıǵaq pen burqasyn baıqalady. Jel sekýndyna 9-14 metrge deıin, ekpini 15-20 metr. Aýa temperatýrasy túnde 13-30° aıaz bolady. Kúndiz -6-18°. Astanada kúndiz azdap qar jaýady, Petropavl men Qostanaıda jaýyn-shashynsyz, biraq qatty aıaz saqtalady.
Shyǵysta aıaz óte kúshti bolady: túnde 22-30° aıaz, keı jerlerde -33° deıin. Kúndiz 5-18° aıaz. Keı aımaqtarda túnde jáne kúndiz burqasyn kútiledi, jel sekýndyna 15-23 metrge deıin kúsheıedi. О́skemen men Semeıde jaýyn-shashynsyz bolady.
Ońtústikte jaýyn-shashyn kóbine ońtústik jáne taýly aýdandarda baıqalady: qar, jańbyr, kóktaıǵaq pen tuman kútiledi. Jel sekýndyna 9-20 metrge deıin, taýly aımaqtarda kúsheıedi. Aýa temperatýrasy túnde 1-12° aıaz, kúndiz 3-12° jyly, taýly aýdandarda 0-10° aıaz. Almaty men Taldyqorǵanda jaýyn-shashynsyz, al Shymkent pen Túrkistanda kúndiz jańbyr men qar aralas jaýady.