Otbasy bank el azamattarynyń zeınetaqy jınaqtaryn deldaldar arqyly shyǵaryp júrgenine alańdaýly ekenin bildirdi. Bank sonymen qatar, plastıkalyq operasııalarǵa zeınetaqydan artylǵan qarjyny paıdalaný boıynsha ótinim qabyldaýdy toqtatty, dep habarlaıdy Egemen.kz banktiń resmı saıtyna silteme jasap.
Qazirgi ýaqytta plastıkalyq operasııalarǵa birjolǵy zeınetaqy tólemderin paıdalaný jónindegi 6294 ótinim qaralyp jatyr. Olar belgilengen tártippen óńdeledi.
Nelikten zeınetaqy qarjysyn paıdalaný toqtatyldy?Elimizde tis pen kózdi emdeýge zeınetaqynyń belgilengen shekten asqan qarjysyn paıdalanýǵa tyıym salynǵan edi. Nátıjesinde plastıkalyq ota jasatqysy keletin azamattardan kelgen ótinish sany kóbeıgen, ıaǵnı, ótinishtiń kúrt ósýine baılanysty el azamattary zeınetaqy jınaqtarynyń artyǵyn endi plastıkalyq otaǵa da jumsaı almaıdy. Qyrkúıekte ótinish sany 123-ke, qazanda – 1844-ke, al qarashada – 3878-ge deıin ósti.
«Otbasy bank» zeınetaqy qarjysyna kóz emdeýge tyıym saldy
Jeltoqsannyń alǵashqy segiz kúninde, oftalmologııaǵa ótinim qabyldaý toqtatylǵan kezde, qazaqstandyqtar plastıkalyq operasııalarǵa 2093 ótinim bergen. Bul – ortasha aılyq deńgeıden 130 ese joǵary kórsetkish. Jeltoqsandaǵy ótinimderdiń jalpy somasy 1,8 mlrd teńgeni qurady.
«Iá, qazaqstandyqtar zeınetaqy qarjysyn paıdalana alady, biraq tek belgili bir maqsattarǵa ǵana. Alaıda osynyń aıasynda azamattardyń qarjysy deldaldar kómegimen BJZQ-dan jıi shyǵarylyp jatyr. Dál osy deldaldar halyq esebinen orasan paıda taýyp otyr. Otbasy bank úshin mańyzdysy – zeınetaqy qarajatynyń maqsatty jumsalýyn qamtamasyz etý, onyń zańsyz baıý quralyna aınalýyna jol bermeý», dedi Otbasy bank basqarma tóraıymy Lıazzat Ibragımova.
Tis emdeý úshin zeınetaqy jınaqtaryn paıdalanýǵa shekteý qoıyldy
Azamattardyń zeınetaqy qarjysyn ómirlik mańyzdy ári qymbat em túrlerine paıdalaný múmkindigi saqtalady:
orfandyq (sırek) aýrýlardy emdeý;
radıonýklıdtik jáne radıoıodterapııa;
radıohırýrgııalyq emdeý;
protondyq terapııa.
Aıta keteıik, 9 jeltoqsannan bastap el turǵyndary plastıkalyq ota jasaýǵa zeınetaqy jınaqtarynyń artyǵyn paıdalana bastaǵan edi.