«Almaty Arena» sport kesheninde eresekter arasynda grek-rım, erkin jáne áıelder kúresinen Qazaqstan chempıonaty óz máresine jetti. Jarys joǵary deńgeıde uıymdastyrylyp, sportshylar, bapkerler men mamandar tarapynan oń baǵasyn aldy, dep jazady Egemen.kz.
Bıylǵy birinshilikke elimizdiń barlyq óńirinen kelgen 1000-ǵa jýyq úzdik balýan qatysty. Bir kilem ústinde ulttyq quramanyń tanymal kóshbasshylary men óz áleýetin kórsetýge múmkindik alǵan jas sportshylar kezdesti.
Týrnırdiń basty nátıjesi – birqatar bolashaǵy zor jas balýandar ulttyq qurama sapyna kirý múmkindigine ıe bolyp, qazaqstandyq kúrestiń kadrlyq rezervin nyǵaıtty.
Almatydaǵy chempıonat taǵy da otandyq balýandardyń joǵary deńgeıin dáleldep, ulttyq quramanyń bolashaq kóshbasshylaryn anyqtaıtyn mańyzdy alańǵa aınaldy.