Búgin, 13 jeltoqsan kúni aýa raıynyń nasharlaýyna baılanysty Qazaqstannyń tórt óńirindegi respýblıkalyq mańyzy bar trassalarda kóliktiń barlyq túrine ýaqytsha qozǵalys shekteýleri engizildi, dep habarlaıdy Egemen.kz.
Qozǵalysqa shekteý engizilgen respýblıkalyq avtojoldardyń ýchaskeleri:
Aqmola jáne Pavlodar oblystary (Astana – Pavlodar baǵyty):
Aqmola oblysy: Saǵat 10:40-tan bastap «Astana – Shiderti – Pavlodar – Ýspenka – RF shekarasy» avtojolynyń 16-dan 200-shi shaqyrymyna deıingi (Astanadan Pavlodar oblysynyń shekarasyna deıin) ýchaskesi jabyldy.
Pavlodar oblysy: Saǵat 10:40-tan bastap osy joldyń 200-den 254-shi shaqyrymyna deıingi (Aqmola oblysynyń shekarasynan Shiderti kentine deıin) ýchaskesinde qozǵalysqa tyıym salyndy.
Bul joldardyń ashylýynyń boljamdy ýaqyty 13 jeltoqsan saǵat 15:00 dep kórsetilgen.
Abaı jáne Shyǵys Qazaqstan oblystary (О́skemen – Semeı baǵyty):
Abaı oblysy: Saǵat 12:00-den bastap «О́skemen – Semeı» avtojolynyń 103-ten 198-shi shaqyrymyna deıingi (Shyǵys Qazaqstan oblysynyń shekarasynan Semeı qalasyna deıin) ýchaskesi jabyq.
Shyǵys Qazaqstan oblysy (ShQO): Saǵat 12:00-den bastap osy joldyń 10-nan 103-shishaqyrymyna deıingi (Gerasımovka aýylynan Abaı oblysynyń shekarasyna deıin) ýchaskesinde qozǵalys shekteldi.
Bul baǵyttaǵy joldar 14 jeltoqsan saǵat 06:00-de ǵana ashylýy múmkin.
«QazAvtoJol» joldardyń ashylý ýaqyty aýa raıynyń naqty turaqtalýyna baılanysty ózgertilýi múmkin ekenin eskertedi. Júrgizýshilerge alys saparǵa shyǵýdan aýlaq bolý jáne jedel qyzmetterdiń habarlamalaryn muqııat qadaǵalaý usynylady.