ASTANA. 23 naýryz. Reseıdiń «Birinshi arnasynda» qazirgi kúnderi «Orlova jáne Aleksandrov» serıalyn kórsetý júrip jatyr. Bul týraly Woman's Day habarlady.
Serıal keshegi keńes kezeńiniń eń bir óarqyn, eń bir ataqty aktrısasynyń ómir joldary týraly syr shertedi. Onyń aıryqsha tanymal bolǵany sondaı, ol týraly udaıy alýan túrli qaýesetter men ańyzdar sońynan órip júrdi.
«Antenna» basylymy osyǵan oraı aktrısanyń nemere jıeni Nonna Golıkovany taýyp alyp, oǵan Orlova jaıyndaǵy birneshe ańyzǵa túsindirme bere ketýdi ótindi. Máselen, bylaı deıdi...
...aktrısa men ony barlyq fılmderinde túsirgen rejısser Grıgorıı Alksandrovtyń nekeleri óner úshin jasalǵan jalǵan neke bolǵan.
N.Golıkovanyń túsindirmesi: «Bul sandyraq. Olardyń arasynda shynaıy mahabbat boldy. Al olardyń arasynda nege bala bolmady, degenge kelsek. Sebebi, Lıýbov Petrovna aqyldy áıel edi. Endi onyń ómirbaıanyn eske alyp kóreıikshi. Revolıýsııa bolyp, onyń ata-anasy bir sátte jumyssyz qalǵan dvorıandar bolyp shyǵa kelgende, onyń jasy 15-te bolatyn. Sol kezde oǵan jumys istep, bıdon quıylǵan sútti satýǵa tasyp turýǵa týra keldi. Sosyn azamat soǵysy bastaldy, 1930 jyldarda ashtyq, repressııa boldy, bulardyń sońǵysy onyń birinshi kúıeýi Andreı Berzındi tutqynǵa alýǵa apardy. Sosyn Uly Otan soǵysy... Mundaı ýaqyttarda qandaı bala bolýy múmkin? Buǵan qosa, ol kúıeýinen basqany kerek etpeıtindeı baqytty ómir súrip jatty. Ol sondyqtan: «Meniń Grıshenka degen balam bar» degendi jıi aıtatyn».
...Orlova Stalınniń tek súıikti aktrısasy ǵana emes, kóńildesi de boldy.
N.Golıkovanyń túsindirmesi: «Ol Stalındi ómirinde bir-aq ret kórgen. Munyń ózi 15 mınýtqa ǵana sozylǵan (Tanystyq 1935 jyly keńes kınosyna 15 jyl tolýyna baılanysty bolǵan qabyldaý kezinde, Orlovanyń RSFSR-diń eńbek sińirgen ártisi ataǵyn alatyn kezinde bolǵan – «Antennanyń» eskertpesi). Al Orlovanyń shynynda Stalınniń súıikti aktrısasy bolǵany jurttyń bárine belgili. Maǵan Grıgorıı Vasılevıch keshkilik óziniń saıajaıynda otyrǵanynda Iosıf Vıssarıonovıchtiń Orlova qatysqan fılmniń bir nemese eki bólimin óte jıi kórip turatynyn aıtyp bergen. Bálkim, Lıýbov Petrovna sondyqtan da shekteýli ómir saltyn ustanyp, eshýaqytta Kremlde qabyldaýda bola bermegen shyǵar».
...Orlova 90 ret plastıkalyq operasııa jasatqan.
N.Golıkovanyń túsindirmesi: «Ondaı operasııanyń bolǵany ras, biraq bir ret qana jasalǵan. (Aıtqandaı, ony jasaǵan hırýrg Aleksandr Shmelevti keıin Aleksandr alǵys sezimi retinde óziniń «Qara torǵaı men Lıra» degen eń sońǵy fılmine túsirgen. – «Antennanyń» eskertpesi). Maǵan: «Ol betin qalaı kútken?» degen suraq jıi qoıylady. Jas shaǵymda bulo suraq meni de qyzyqtyratyn. Men onyń keńesin árdaıym muqııat tyńdap, eshqashan ımporttyq kremderdi paıdalanǵan emespin, tek ózimizdikin ǵana qoldandym. Sebebi, bizderdiki ártúrli hımııalyq elementtermen bylǵanǵan emes edi. О́ıtkeni, hımııa ónerkásibi áli jaqsy damymaǵan edi».
...revolıýsııadan keıin 15 jasar Lıýba ómir súrý úshin aqsha tabý maqsatynda Orlovtar turatyn Voskresenskiden Máskeýge satýǵa bıdonmen sút tasıtyn. Osynyń saldarynan keıin onyń saýstary qısaıyp ketip, býyndary aýyratyn boldy. Al kadrǵa onyń dýblerleriniń ádemi qoldary kórsetiletin.
N.Golıkovanyń túsindirmesi: «Bul jaǵdaıda onyń ádette óz qoldaryn jasyryp ustaǵany shyndyq. Olar rasynda aýyr bıdondardy kótergendikten qısaıyp ketken. Sondyqtan ol kóbine qolǵap kıip júrdi nemese saýsaqtarynyń kemisin bildirmeıtindeı uzyn jeńdi kıimder kıdi».
...bir joly Orlova kınostýdııada Aleksandrovtyń bir qaısar tabynýshysy paıda bolypty, oǵan rejısser de yqylas bildiripti. Bul áıel áldeqandaı bir merekeniń qurmetine rejısser men aktrısanyń úıine shaqyrtylypty. Lıýbov Orlova ózderine ortaq tiginshiden onyń qonaqqa qandaı kıimmen keletinin aldyn ala bilip alyp, bólmedegi barlyq jıhazdy sonyń kóıleginiń túsindeı matamen jaýyp qoıypty. Qarsylasy mynadaı keıin qatty tánti bolypty».
N.Golıkovanyń túsindirmesi: «Lıýbov Petrovna shynynda da jıhazdardy matamen ózi qaptaǵandy jaqsy kóretin. Biraq kóılektiń túsine baılanysty keltrilgen mysal – baryp turǵan sandyraq. Orlova shyn máninde qyzǵanshaq áıel bolsa da, dál mynadaı deńgeıge deıin túsip, qorlanǵan emes».