Qazaqstanda veterınarlyq qujatsyz et satqandar úshin qylmystyq jaýapkershilik engizý josparlanyp otyr, dep habarlady aýyl sharýashylyǵy vıse-mınıstri Amanǵalı Berdalın.
Bul 2026 jyly parlamentte talqylanatyn veterınarııa týraly jańa zańda qarastyrylady, dedi vıse-mınıstr.
«Halyq 3 aılyq eseptik kórsetkish kólemindegi aıyppuldan qoryqpaıdy. Ony qatańdatý kerek, sebebi bul azyq-túlik qaýipsizdigimen baılanysty. Mundaı isterdi aıyppulmen emes, qylmystyq zańmen jazalaý kerek», dedi ol.
Vıse-mınıstr sondaı-aq et jáne et ónimderiniń sıfrlyq qadaǵalanýy týraly aıtty.
«О́ndiriletin ónimderdiń barlyǵy mal soıý alańdarynda nemese et kombınattarynda soıylyp, veterınarlyq-sanıtarlyq saraptamadan ótýi kerek. Tekserýden keıin biz ettiń qaıda ketetinin kóremiz — bazarǵa, mektepke, balabaqshaǵa nemese aýrýhanaǵa. Biz sońǵy tutynýshyny kórýimiz kerek», dep túsindirdi ol.
Júıe búkil Qazaqstan boıynsha engizilip jatyr jáne jaqyn arada meıramhanalar men qoǵamdyq tamaqtaný nysandaryn qamtıtyn bolady.