Mańǵystaý oblystyq tótenshe jaǵdaılar departamentiniń materıaldyq-tehnıkalyq bazasy 80 paıyzǵa jańartyldy, dep jazady Egemen.kz.
Bul týraly Qoǵamdyq kommýnıkasııa ortalyǵynda ótken brıfıngte óńirlik tótenshe jaǵdaılar departamenti bastyǵynyń birinshi orynbasary Meıirbek Karaev aıtty.
Spıkerdiń aıtýynsha, tótenshe jaǵdaılar salasynyń negizgi maqsaty – halyqtyń ómiri men densaýlyǵyn, qorshaǵan ortany jáne materıaldyq qundylyqtardy tabıǵı jáne tehnogendik sıpattaǵy tótenshe jaǵdaılardan aldyn alý jáne olardy joıý.
– Jyl basynan beri oblysymyzda 311 tótenshe jaǵdaı oryn aldy. 92 adam qutqarylyp, 58 adam evakýasııalandy. Avarııalyq-qutqarý jumystaryna 4668-den astam jedel shyǵýlar jasaldy. Jyl boıy, azamattyq qorǵanys salasynda órt jáne ónerkásiptik qaýipsizdik qamtamasyz etý boıynsha úlken profılaktıkalyq jumys júrgizildi. Atqarylǵan is-sharalar adamdardyń qaza bolýy men jaraqat alýynyń aldyn alýǵa baǵyttaldy. Departamentimizge jyl ishinde Tótenshe jaǵdaılar mınıstriniń jáne oblys ákiminiń qoldaýymen 28 birlik tehnıka satyp alyndy. Materıaldyq-tehnıkalyq bazamyz 80 paıyzǵa jańartyldy, – dedi Meıirbek Karaev.
Mańǵystaý oblysy