Qaraǵandyda ata-analardyń shaǵymynan keıin polısııa 44 jastaǵy logopedtiń jumysyn tekserýge kiristi. Oqıǵaǵa baılanysty barlyq derekter áleýmettik jeliler arqyly anyqtalǵan, dep habarlaıdy Egemen.kz.
Bir balanyń ákesi sabaq kezinde logopedtiń áreketin telefonǵa túsirip alǵan. Balalarǵa qoldanylǵan agressıvti ádisterdi ata-analar bir jyl boıy baıqamaı kelgen.
Atalǵan logoped Qaraǵandyda tanymal jáne suranysqa ıe maman bolǵanymen, endi onyń qyzmetine quqyq qorǵaý organdary tekseris júrgizedi.
«Áleýmettik jelilerdi tekserý barysynda balalarǵa durys qarym-qatynas jasamaǵan logopedtiń vıdeosy anyqtaldy. Osy fakti boıynsha tergeý bastaldy, barlyq qatysýshylar anyqtaldy», dep málimdedi Qaraǵandy oblystyq polısııa departamentiniń resmı ókili Baqytjan Kýdııarov.
Qazirgi ýaqytta 44 jastaǵy logoped polısııaǵa jetkizildi, onyń áreketteri men oqıǵanyń barlyq mán-jaıy zerttelip jatyr. Tekserý aıaqtalǵan soń tıisti sheshim qabyldanady.
Posmotret etý pýblıkasııý v Instagram