Týrızm jáne sport mınıstrligi otandyq jáne sheteldik qonaqtarǵa arnalǵan qysqy demalysqa barýǵa bolatyn Almaty oblysynyń úzdik 8 baǵytyn usyndy, dep habarlaıdy Egemen.kz.
Aqtas taý shańǵy kýrorty
Erekshelikteri: Kýrorttyń eń bıik núktesi – teńiz deńgeıinen 2140 metr. Ile Alataýynyń shyńdary men Almaty qalasynyń kórkem panoramasyn tamashalaýǵa bolady.
Ornalasqan jeri: Almaty oblysy, Talǵar aýdany, Oı-Qaraǵaı shatqaly.
Kórýge bolatyn nysandar: Uzyndyǵy 50 metrlik aspaly kópir, qara bazalt jotalary kórinetin trassalar shatqalǵa uqsas soqpaqtar, panoramalyq sholý alańdary.
Foto: Kursiv Life Style
Nomad arena – ıppodrom
Erekshelikteri: Almaty mańynda ornalasqan, aýmaǵy 121,56 gektardy alyp jatqan at sportyna arnalǵan týrıstik keshen. Ulttyq dástúr, zamanaýı sport jáne tabıǵı landshaft úılesken biregeı oryn.
Qysqy belsendilikter: At sporty jarystary (kókpar), etnofestıvalder, jármeńkeler, gastronomııalyq is-sharalar. Etnopark, qonaq úı, akvapark, serýen aımaqtary, konsertter, týrnırler men halyqaralyq is-sharalardy uıymdastyrý múmkindigi bar.
Ornalasqan jeri: Almaty oblysy, Talǵar aýdany, Panfılovo aýyly.
Kórýge bolatyn nysandar: Negizgi arena, atqoralar, panoramalyq kórinister.
Foto: Nomad arena
Oi-Qaragai taý-shańǵy kýrorty
Erekshelikteri: Kýrort aýmaǵy – 200 gektar, teńiz deńgeıinen 2140 metr bıiktikte ornalasqan. Munda áýesqoı jáne tájirıbeli sportshylarǵa arnalǵan uzyndyǵy 28 shaqyrym bolatyn tań shańǵysy trassalary bar. (Ortalyq Azııadaǵy eń uzyn trassa).
Ornalasqan jeri: Almaty oblysy, Talǵar aýdany, Oı-Qaraǵaı shatqaly.
Kórýge bolatyn nysandar: Aspaly kópir, A-Frame úlgisindegi úıler, sholý alańdary, qysqy orman.
Foto: tripadvisor.ru
ASP Club Otbasylyq-saýyq kesheni
Erekshelikteri: Keshende avtosport jáne mýzykalyq is-sharalarǵa arnalǵan kópsalaly stadıony, sondaı-aq qonaqtar konkı teýip, kóńil kótere alatyn óńirdegi eń úlken muz aıdyny bar.
Qysqy belsendilikter: WADS/CAD qysqy drıft-shoýlary, muzdy trek, muz aıdyny, muz ústindegi is-sharalar: shoý, drıft-taksı, fýd-zonalar, kórermenderge arnalǵan trıbýnalar.
Ornalasqan jeri: Almaty oblysy, Qonaev qalasy, Ońtústik-batys jaǵalaý kóshesi, 167a.
Kórýge bolatyn nysandar: Arena men trıbýnalar, muz joly, kartıng aımaǵy, meıramhanalar, glempıng, sý qoımasyna ashylatyn kórinister.
Foto: ASP Club
«Talǵar foreli» demalys aımaǵy
Erekshelikteri: Balyq aýlaýdy, tynyǵýdy jáne gastronomııany unatatyndarǵa arnalǵan oryn. Munda foreldi aýlap, sol jerde daıyndaýǵa bolady. Aýmaǵynda toǵandar, meıramhana jáne kottedjder ornalasqan.
Qysqy belsendilikter: Qysta balyq aýlaý, dastarqanǵa qoıylǵan ystyq forel, baza aýmaǵynda qar jamylǵan kórinisterde serýendeý. Jyly meıramhana men bastyrmalar aryqyly yńǵaıly demalys.
Ornalasqan jeri: Almaty oblysy, Talǵar qalasy.
Kórýge bolatyn nysandar: Toǵandar, meıramhana, taýly aýmaqtyń tabıǵaty.
Foto: restolife.kz
Ystyq bulaq
Erekshelikteri: Shonjy mańynda kóptegen ystyq bulaqtar bar, sonyń ishinde tanymal kýrorttar: Four Seasons, All seasons, Sakura. Sýdyń temperatýrasy +20 gradýstan +50 gradýsqa deıin. Tabıǵı mıneraldy sý densaýlyqqa paıdaly.
Qysqy belsendilikter: Termaldy basseınder, qysqy shomylý, bý shyǵatyn kýpelder.
Ornalasqan jeri: Shonjy, Uıǵyr aýdany, Almaty oblysy.
Kórýge bolatyn nysandar: Termaldy demalys bazalary, kúnniń batý kórinisteri, jol boıyndaǵy taý landshafttary.
Foto: taukomek.kz
«Zerno» - pervomaı toǵandary
Erekshelikteri: Sý jaǵasynda ornalasqan sándi meıramhana, tabıǵı kórinister, fotogenıkalyq sáýlet.
Qysqy belsendilikter: Toǵan mańynda serýendeý, keshki as qysqy fotosessııalar.
Ornalasqan jeri: Pervomaı toǵandary, Almaty oblysy.
Kórýge bolatyn nysandar: Meıramhananyń panoramalyq zaly, tabıǵı kórinister, dálizder men terrasalar.
Foto: yandex.kz
Nomad etnoortalyǵy
Erekshelikteri: Qazaq mádenıeti, kıiz úıler, dástúrli sheberlik sabaqtary, ulttyq fotozonalar.
Qysqy belsendilikter: Sheberlik sabaqtary, ulttyq taǵamdardan dám tatý, kıiz úılerdegi fotosessııalar, qysqy etno-kórinister.
Ornalasqan jeri: Almaty oblysy, Qarasaı aýdany, Shamalǵan aýyly.
Kórýge bolatyn nysandar: Jyrtqysh qustar shoýy, kóne saýyttar, dástúrli is-sharalar.
Foto: Visit Almaty