The Sun basylymynyń habarlaýynsha, aǵylshyn jankúıerleri Anglııa fýtbol qaýymdastyǵynyń tóraǵasy men bas dırektoryna hat joldap, shuǵyl shara qoldanýdy talap etken.
Boljam boıynsha, fınaldyq oıynǵa arnalǵan eń arzan bılettiń ózi aǵylshyn jankúıerlerine 3 128 fýnt sterlıngke (2,1 mıllıon teńge) túspek.
Aıta keteıik, 2026 jylǵy álem chempıonaty tarıhtaǵy eń aýqymdy týrnır bolmaq. Ádettegi 32 quramanyń ornyna AQSh, Kanada jáne Meksıka arenalarynda 48 ulttyq komanda baq synaıdy.
Týrnır 2026 jyldyń 11 maýsymynda Meksıkadaǵy ataqty «Asteka» stadıonynda bastalady. Alǵashqy oıynda Meksıka men Ońtústik Afrıka Respýblıkasy quramalary kezdesedi. Álem chempıony 2026 jyldyń 19 shildesinde Nıý-Iorktegi (AQSh) «Metlaıf» stadıonynda ótetin sheshýshi matchta anyqtalady. Jaqynda ǵana týrnırdiń jerebe tartý rásimi ótken bolatyn.