dzıýdodan álem chempıony atandy
Atyraý palýandarynyń arasynda Ystybaevtardyń abyroıy aspandap tur. Jaqynda Aıbolat Ystybaı Bosnııa jáne Gersegovına astanasy – Saraevodan altyn júldemen oraldy.
Bir otbasynda tárbıelengen Nurbolat pen Qanat ta, aǵalarynyń izimen sportqa ańsary aýǵan Aıbolat ta sambo, dzıýdo jáne qazaq kúresimen aınalysady. Aǵaıyndy balýandardyń jetistikteri de az emes. Ol osynda ótken kadetter arasyndaǵy dzıýdodan álem birinshiliginde qarsylastarynyń bárin aıqyn basymdyqpen jeńip, álem chempıony atandy.
Aıbolat álemniń ár túkpirinen jınalǵan 500 sportshynyń arasynan oq boıy ozyp, Qazaq eliniń kókbaıraǵyn bıikte jelbiretip, Ánurandy shyrqatý úshin namysqa tyrysty. Maqsaty –eldiń abyroıyn aspandatý. Sol maqsatyna jetý úshin baryn saldy. Jattyqtyrýshysy Merjan Esmaǵambetovtiń tálimin oı eleginen ótkizdi. Qazaqtyń namysty, qaısar balýany 50 kılo salmaqta aldymen AQSh, Reseı, Kıpr, Grýzııa balýandaryn ıppon upaıymen jeńdi.
Altyn medalǵa qol jetkizetin aqtyq synda ıtalıalyq balýanmen synǵa tústi. Sharshy alańda jan berisip, jan alysqan synda qazaq balýany qarsylasynyń osal tusyn taýyp, aıqyn basymdyǵyn tanytty. Osylaısha, álem chempıony atanǵan 17 jasar Aıbolat Ystybaıdyń bul jeńisi Saraevo tórinde kókbaıraǵymyzdy kókke kóterip, Ánuranymyzdy shyrqatty.
Joldasbek ShО́PEǴUL,
«Egemen Qazaqstan».
ATYRAÝ.