ASTANA. 23 naýryz. Sıngapýrdiń birinshi premer-mınıstri bolǵan Lı Kýan Iý dúnıe saldy. Bul týraly onyń uly, eldiń qazirgi úkimet basshysy Lı Sıan Lýna óziniń Twitter-degi resmı mıkroblogynda habarlandy.
«Premer-mınıstr Lı Sıngapýrdiń birinshi premer-mınıstri Lı Kýan Iý myrzanyń ómirden ketýin úlken ókinish sezimimen qarsy aldy», - delingen habarlamada. Al 91 jastaǵy saıasatker 23 naýryz kúni jergilikti ýaqyt boıynsha 03:18 saǵatta Sıngapýrdiń ortalyq aýrýhanasynda úzilgen.
Eske sala keteıik, Lı Kýan Iý aýrýhanaǵa aqpan aıynyń basynda pnevmonııanyń aýyr formasymen jetkizilgen edi. Eks-premerge birden ókpege aýa aparatyn jasandy apparat qosylyp qoıyldy.
Lı Kýan Iý – Sıngapýrdiń belgili saıasatkeri. Ol 1959 jyly el egemendikke qol jetkizgen kezde 31 jasynda úkimet bıligi basyna kelgen edi. Qazir ol Sıngapýrdi Ońtústik-Shyǵys Azııanyń artta qalǵan elinen qarjy ortalyǵyna aınaldyrǵan «ekonomıkalyq keremetin» jasaýshylardyń biri bolyp sanalady.
Murat Aıtqoja.