Jaqynda Garvard ýnıversıtetinde Konstıtýsııalyq sot janyndaǵy Ǵylymı-konsýltatıvtik keńestiń múshesi, Maqsut Narikbayev ýnıversıtetiniń qaýymdastyrylǵan professory Músilim Hasenovtiń «Qazaqstannyń konstıtýsııalyq evolıýsııasy: kóshpeli basqarýdan zamanaýı reformalarǵa deıin» atty dárisi ótti. Dáris aǵylshyn tilinde oqylyp, Garvardtyń professorlary men stýdentterin, sondaı-aq Boston qalasyndaǵy basqa da jetekshi joǵary oqý oryndarynyń ókilderin jınady.
Atalǵan dáris barysynda elimizdiń 560 jyldyq konstıtýsııalyq damý tarıhy sóz boldy. Dala konstıtýsııasynan (Qasym han, Esim han, Táýke handardyń ádet quqyǵy kodeksteri) bastap Jańa Qazaqstan dáýiriniń qazirgi reformalaryna deıin qatysýshylarǵa egjeı-tegjeı túsindirildi. Dáriste Qazaq memlekettiliginiń qalyptasýynyń negizgi kezeńderi, handar men sultandardyń, bıler men ulttyq zııaly qaýymnyń róli aıqyndaldy. Sonyń arqasynda qazaq halqy eldigimizdi saqtap, eń aýyr synaqtardan óte alǵany aıtyldy.
Bes tarıhı kezeń belgilenip, qazaqstandyq konstıtýsıonalızmniń 12 negizgi derekti tiregi usynyldy. Spıkerdiń pikirinshe, qazirgi kezeńniń basty quqyqtyq jetistigine aınalǵan Konstıtýsııalyq sottyń jandanýyn qosa alǵanda, elimizdiń konstıtýsııalyq jańǵyrýynyń jańa kezeńin belgilegen 2022 jylǵy konstıtýsııalyq reformaǵa erekshe nazar aýdaryldy.
Músilim Hasenov – 2025–2026 oqý jylynda Garvard ýnıversıtetiniń Devıs ortalyǵynda «Bolashaq» baǵdarlamasy aıasyndaǵy ǵylymı taǵylymdamadan ótýge shaqyrylǵan ǵalym. Ol Ortalyq Azııadaǵy quqyqtyq reformalar men quqyq ústemdigine arnalǵan zertteý júrgizip júr.