Prezıdent Qasym-Jomart Toqaev Sıdneıdegi Hanýka meıramy kezinde oryn alǵan qaıǵyly oqıǵaǵa baılanysty Aýstralııa Premer-mınıstri Entonı Albanızge kóńil aıtý jedelhatyn joldady, dep jazady Egemen.kz.
Memleket basshysy qaza tapqan jandardyń otbasylary men jaqyndaryna kóńil aıtyp, zardap shekken azamattardyń tezirek saýyǵyp ketýine tilektestigin bildirdi.
Qasym-Jomart Toqaev jantúrshigerlik qylmysty qatań aıyptap, elimizdiń atynan osy qıyn sátte Aýstralııa halqyna sabyr tileıtinin jetkizdi.
Aıta keteıik, 14 jeltoqsan 2025 jyly Sıdneı qalasynda Bondı-Bıch jaǵajaıynda evreı halqynyń dinı merekesi Hanýkany atap ótý kezinde qarýly shabýyl boldy. Shabýyl saldarynan 12 adam qaza taýyp, taǵy 27-29 adam jaraqat aldy, olardyń arasynda eki polısııa qyzmetkeri men bir bala bar. Oqıǵa terrorıstik akt retinde baǵalandy.