Eýrazııalyq úkimetaralyq keńestiń kezekti otyrysy 2026 jyldyń kókteminde Shymkentte ótetin boldy. Jıyn barysynda bes eldiń premer-mınıstrleri ózara yntymaqtastyq pen bolashaqqa baǵyttalǵan mańyzdy máselelerdi talqylamaq. Osy oraıda Qazaqstan Premer-mınıstri Oljas Bektenov aldaǵy mindetterdi aıqyndap, Odaqqa múshe memleketterdiń Úkimet basshylaryn 2026 jyldyń 26–27 naýryzy kúnderi Shymkentte ótetin EAEO-nyń kezekti otyrysyna shaqyrdy, dep jazady Egemen.kz.
Aıta ketý kerek, kelesi jyly EAEO-ǵa Qazaqstan tóraǵalyq etedi. Sondyqtan elimiz uıymdy jańa deńgeıge kóterý úshin barlyq qajetti sharalardy josparlap otyr. Eýrazııalyq úkimetaralyq keńes otyrysy halyqaralyq yntymaqtastyqty nyǵaıtyp qana qoımaı, óńirdiń bedelin arttyra túsetin mańyzdy oqıǵa bolǵaly tur.
Munymen qosa zamanaýı tehnologııalar men sıfrlyq sheshimder talqylanatyn dástúrli Digital Forum da Shymkentte ótetin bolady. Bul forým – jańa ıdeıalar men múmkindikterdiń bastaýy, el damýy men óńir yntymaqtastyǵynyń jáne tehnologııalyq jańǵyrýdyń jarqyn kórinisi.
Halyqaralyq deńgeıdegi jıyndardy ótkizý tańdaýy Shymkentke túskeni beker emes. Sońǵy jyldary jańaryp, kórkeıgen qala búgingi kúnde aýqymdy is-sharalar uıymdastyrýǵa laıyqty elimizdiń mańyzdy aımaqtarynyń birine aınalyp úlgerdi.
ShYMKENT