Aqkól qalasynda jaǵa ustatarlyq jaǵdaı oryn aldy. Tepse temir úzetin 20 jáne 22 jastaǵy jigitter ortalyq meshittegi sadaqa jáshigin urlap ketken. Ustalǵandardyń ekeýi de buryn sottalǵandar bolyp shyqty.
Ishki ister organyna meshit ımamy shaǵym túsirgen. Onda túngi mezette qasıetten jurdaı álgi adamdar tereze shynylaryn buzyp, jamıǵattyń qaıyr-sadaqasy salynǵan jáshikti arqalap ketkendigi aıtylǵan.
Polısııa qyzmetkerleriniń habarlaýynsha jáshikte 157 myń teńge bolǵan. Bul aqsha tárkilendi. Ustalǵandar qylmysyn tolyq moıyndady. Zań boıynsha olar 5 jylǵa kesilýi múmkin.
Baqbergen AMALBEK,
«Egemen Qazaqstan».
Aqmola oblysy.