ASTANA. 23 naýryz. Erteń Qazaqstannyń birqatar aýmaqtarynda jaýyn-shashyn bolady. Bul týraly Tótenshe jaǵdaılar komıtetiniń baspasóz qyzmeti habarlady.
Atap aıtqanda, 24 naýryzda Astana qalasynda kúndiz birese jańbyr, birese qar jaýýy yqtımal. Ońtústik batystan soqqan jel kúshi – 15-20, ekpini sekýndyna 25 metrge jetedi.
Budan basqa, Qyzylorda, Ońtústik Qazaqstan, Jambyl jáne Almaty oblystarynda jańbyr jaýady dep kútiledi. Keı jerlerde batystan, ońtústik batystan soqqan jel kúsheıe túsedi.
Al Aqmola, Soltústik Qazaqstan, Pavlodar, Qaraǵandy jáne Shyǵys Qazaqstan oblystarynda jaýyn-shashyn bolýy yqtımal. Keı jerlerde batystan, ońtústik batystan soqqan jel kúsheıedi. Jeldiń kúshi – 15-20 metr, ekpini sekýndyna 25-30 metr bolady.
Murat Aıtqoja.