Búgin Májilis kýlýarynda Ǵylym jáne joǵary bilim vıse-mınıstri Gúlzat Kóbenova el oqýshylary qaı ýaqyttan bastap UBT-ny jańa formatta tapsyra bastaıtynyn aıtty, dep jazady Egemen.kz.
Vıse-mınıstrdiń sózinshe, elimizde JOO-ǵa grant negizinde túsýge múmkindik beretin bilim synaǵyn transformasııalaý 2027-2029 jyldary kezeń-kezeńimen júzege asyrylady.
«Bıyl UBT qazirgi formatta, eshqandaı ózgerissiz ótkiziledi. Biz UBT formatyn jetildirý maqsatynda amerıkalyq ETS kompanııasymen birlesken jumysty bastadyq. Transformasııa kezeń-kezeńimen júzege asyrylady. 2027 jyldan bastap pılottyq rejımde engizilip, odan keıin 2029 jylǵa deıin aýqymdy túrde keńeıtý josparlanyp otyr. Qazirgi ýaqytta format burynǵy kúıinde qalady», dedi Gúlzat Kóbenova.