EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Reseı Syrtqy ister mınıstri Sergeı Lavrovpen, EQYU “úshtigine” kiretin Lıtva Syrtqy ister mınıstri Aýdornıýs Ajýbalıspen jáne qyrǵyzstandyq áriptesi Rýslan Qazaqbaevpen telefon arqyly sóılesti, dep habarlady QR SIM-iniń baspasóz qyzmeti.
Áńgimelesýshiler Qyrǵyzstanda 27 maýsymda ótken referendýmnan keıingi jaǵdaı týraly jáne ondaǵy turaqtylyqty nyǵaıtýǵa baǵyttalǵan úılesimdi is-áreketter jóninde pikir almasty. Q.Saýdabaev atap ótkendeı, Qazaqstan Prezıdenti N.Nazarbaevtyń pikirinshe, Qyrǵyz Respýblıkasynyń uzaq merzimdi turaqtylyq pen birqalypty saıası damýy memlekettiń ekonomıkalyq damý strategııalyq baǵdarlamasynsyz múmkin emes, al Qazaqstan mundaı ekonomıkalyq strategııany jasap shyǵýǵa jáne is júzinde júzege asyrýǵa óz kómegin kórsetýge daıyn.