Elimizde memlekettik qyzmetkerlerge teńestirilgen keı tulǵalardyń kásipkerlikpen aınalysýyna ruqsat etilýi múmkin. Sebebi búgin Senat «Sybaılas jemqorlyqqa qarsy is-qımyl týraly» zańǵa engiziletin túzetýlerdi birinshi oqylymda maquldady, dep jazady Egemen.kz.
Dese de keıbir laýazymdy tulǵalarǵa kásipkerlikpen aınalysýǵa qoıylǵan jalpy tyıym óz kúshinde qalady. Olardyń qatarynda aýmaqtyq saılaý komıssııalarynyń turaqty músheleri, Ulttyq bank pen Qarjy naryǵyn retteý jáne damytý agenttigi men azamattyq avıasııa salasyndaǵy ýákiletti uıym qyzmetkerleri, ulttyq holdıngter men ulttyq kompanııalardyń basshylary bar.
Atalǵan sanattaǵy azamattar úshin múddeler qaqtyǵysy, qyzmettik múlikti jeke maqsatta paıdalaný nemese bıznes qyzmettiń negizgi mindetterge kedergi keltirý yqtımaldyǵy boıynsha tyıym saqtalǵan.
Aıta keteıik, mundaı ózgerister Konstıtýsııalyq sottyń 2023 jylǵy 13 maýsymdaǵy sheshimin oryndaý úshin ázirlengen.