PETROPAVL. 23 aqpan. Qyzmet babyn paıdalanyp, kásipkerden 10 myń dollar alym talap etti degen kúdikpen ustalǵan petropavldyq sheneýnik endi ómiriniń 6 jylyn abaqtyda ótkizetin boldy. Sot osyndaı úkim shyǵardy. Bul týraly egemen.kz tilshisi habarlady.
Byltyr mamyrda qarjy polısııasy oblystyq jáne qalalyq ákimdiktiń bir top jaýapty tulǵasyna qatysty qylmystyq is qozǵap, oǵan sybaılas jemqorlyqpen aınalysty degen aıyp taqqan bolatyn. Olardyń arasynda bolǵan qurylys basqarmasynyń basshysy Ratmır Ýsmanovty sot alty jylǵa abaqtyǵa kesti. Sot materıaldary boıynsha ol Mamlıýt aýdanynda salynyp jatqan mekteptiń bitpegen qurylysyna aıaqtaldy degen jalǵan akt jasaǵan.Osy «qyzmeti» úshin jeke kásipker Murat Harsıevtan 10 myń dollar para alǵan. Sonymen birge M. Harsıev te ustalyp, 4 jylǵa sottaldy.
Oblysty ý-shýǵa bólegen oqıǵadan soń óńirdiń sol kezdegi ákimi Samat Eskendirov qyzmetinen bosatylyp, orynbasary Vladımır Balahonsev te qylmystyq jaýpkershilikke tartylǵan bolatyn. Alaıda, oǵan qatysty qylmystyq is qysqartyldy.
Temir torǵa qamalǵan sheneýnik pen kásipker sot úkimimen kelispeı, appelasııalyq shaǵym túsirdi.
О́mir Esqalı.
Derek: egemen.kz.
Sýret: news.nur.kz.