Astananyń Saryarqa aýdanynda mektep oqýshylary arasynda «Zań jáne tártip» qaǵıdaty aıasynda «Alǵyrlar – 2025: ıdeıadan bolashaqqa» atty oqýshylar jobalarynyń baıqaýy uıymdastyryldy, dep habarlaıdy elorda ákimdiginiń resmı saıty.
Baıqaýdyń maqsaty – jasóspirimder arasynda quqyqtyq mádenıetti qalyptastyrý, azamattyq jaýapkershilikti arttyrý jáne quqyqbuzýshylyqtyń aldyn alý.
«Baıqaýǵa aýdanymyzdaǵy 33 mekteptiń oqýshylary qatysyp otyr. Ár qatysýshy óz jobasyn vıdeo-esse formatynda usyndy. Oqýshylar mekteptegi býllıng pen kıberbýllıng, ınternet-alaıaqtyq jáne kámeletke tolmaǵandar arasyndaǵy ózge de quqyqbuzýshylyqtardyń aldyn alý boıynsha óz ıdeıalary men usynystaryn ortaǵa saldy. Jobalardy bedeldi qazylar alqasy baǵalaıdy. Eń bastysy – bul jaı ǵana baıqaý emes, tıimdi ári tyń bastamalar aldaǵy ýaqytta tájirıbede qoldanylatyn bolady», dedi Saryarqa aýdany prokýratýrasynyń bólim prokýrory Qasymjomart Beısenbaı.