Italııanyń soltústigindegi Stelvıo ulttyq saıabaǵy aýmaǵynan myńdaǵan dınozavr izi tabyldy. BBC agenttiginiń habarlaýynsha, keıbir izderdiń dıametri 40 santımetrge deıin jetedi. Ǵalymdar bul tańbalar shamamen 210 mıllıon jyl buryn qalǵan dep esepteıdi.
Muny alǵash baıqaǵan áýesqoı fotograf Elıo Della Ferrera. Ol ótken jyldyń qyrkúıeginde Mılannyń soltústik-shyǵysyndaǵy taýly óńirden, kózge áreń ilinetin bederlerdi sýretke túsirip, mamandarǵa jetkizgen. Keıin paleontolog Krıstıaný Dal Sasso bastaǵan zertteýshiler bul jerdiń naǵyz ǵylymı qazyna ekenin rastady. Izderden ótkir tyrnaqtyń belgileri anyq baıqalady. Uzyndyǵy 10 metrge deıin jetken janýarlar kóbine eki aıaqpen júrgen, biraq keıbir tustarda aldyńǵy aıaqtarynyń izi de kezdesedi.