Memleket basshysy Qasym-Jomart Toqaev Japonııa metall jáne energetıkalyq qaýipsizdik jónindegi uıymynyń (JOGMEC) tóraǵasy Ichıro Takaharýdy qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesýde geologııalyq barlaý, asa mańyzdy mıneraldardy óndirý jáne óńdeý, sondaı-aq tabıǵı resýrstardy ornyqty basqarý baǵyttaryndaǵy yntymaqtastyq perspektıvasy talqylandy.
Memleket basshysy JOGMEC kompanııasynyń Qazaqstanda jobalardy júzege asyrýǵa qyzyǵýshylyq tanytyp otyrǵanyn joǵary baǵalady.
Sonymen qatar áńgimelesý barysynda uıymnyń elimizdegi geologııalyq barlaý jobalaryna qatysý jáne ókildik ashý múmkindikteri qarastyryldy.
Prezıdenttiń pikirinshe, bul birlesken jobalardy tıimdi úılestirýge, sondaı-aq Japonııanyń óndiristik jáne tehnologııalyq kompanııalarynyń Qazaqstan naryǵyna kóptep kelýine yqpal etedi.