Osy kezeń ishinde Qazaqstan men Japonııa arasyndaǵy qarym-qatynastar júıeli túrde damyp, qazirgi ýaqytta «keńeıtilgen strategııalyq áriptestik» deńgeıimen sıpattalady. О́zara is-qımyl taraptardyń ulttyq múddelerin eskerý, teńquqylyq jáne ózara qurmet qaǵıdattaryna negizdelgen. Bul turaqty saıası dıalog pen keń aýqymdy máseleler boıynsha syndarly yntymaqtastyqty qamtamasyz etedi.
Ekijaqty yntymaqtastyq aıasynda zamanaýı tehnologııalardy engizýge, óndiristik úderisterdiń tıimdiligin arttyrýǵa, ekologııalyq standarttardy saqtaýǵa, sondaı-aq ozyq basqarý jáne ınnovasııalyq tájirıbelerdi damytýǵa basymdyq beriledi.
Kún tártibinde energetıka salasyndaǵy ózara is-qımyl, onyń ishinde dástúrli energetıka, energııa tıimdiligin arttyrý jáne «jasyl» tehnologııalardy damytý máseleleri mańyzdy oryn alady.
Eske sala keteıik, 17 jeltoqsan kúni Memleket basshysy Qasym-jomart Toqaev Japonııaǵa resmı saparmen barǵan edi. Qasym-Jomart Toqaevty Imperator Narýhıto Imperator saraıynda qarsy aldy. Sondaı-aq Prezıdent qazirgi ýaqytta Japonııada bilim alyp, túrli salada qyzmet etip júrgen Qazaqstan azamattarymen kezdesip, Japonııa sııaqty damyǵan eldiń tájirıbesin zerdeleý mańyzdy ekenin aıtqan edi.
Qasym-Jomart Toqaev Japonııanyń Premer-mınıstri Sanae Takaıchımen kelissóz júrgizdi. Kelissózder barysynda saýda-ekonomıkalyq, ınvestısııalyq, kólik-logıstıkalyq, energetıkalyq jáne mádenı-gýmanıtarlyq salalardaǵy ekijaqty baılanystardy damytý perspektıvasy egjeı-tegjeıli talqylandy.
Kelissóz qorytyndysy boıynsha Prezıdent Qasym-Jomart Toqaev pen Premer-mınıstr Sanae Takaıchı Birlesken málimdeme qabyldady.
Aıta keteıik, memleket basshysynyń Japonııa eline resmı sapary 20 jeltoqsanǵa deıin jalǵasady. Sapar aıasynda Imperator Narýhıtomen, Premer-mınıstr Sanae Takaıchımen, sondaı-aq Japonııanyń iskerlik orta ókilderimen kezdesý josparlanǵan. Budan bólek, Qazaqstan Prezıdenti «Ortalyq Azııa – Japonııa» sammıtine qatysady.