Memleket basshysynyń tapsyrmasy aıasynda Islam damý bankinen bólinetin nesıeniń esebinen 2026 jyly elimizdiń birneshe óńirinde sý nysandarynyń qurylysy bastalady. Bul týraly Sý resýrstary jáne ırrıgasııa mınıstri Nurjan Nurjigitov Úkimettiń bir jyldyq jumysyn qorytyndylaýǵa arnalǵan baspasóz máslıhatynda málimdedi, dep habarlaıdy Egemen.kz.
Mınıstrdiń aıtýynsha, 2026 jyly Jambyl, Batys Qazaqstan jáne Qyzylorda oblystarynda úsh jańa sý qoımasynyń qurylysy bastalady.
Sonymen qatar Jambyl jáne Túrkistan oblystarynda qoldanystaǵy eki sý qoımasyn rekonstrýksııalaý jumystary josparlanǵan. Bul sharalar elimizdiń sý qaýipsizdigin qamtamasyz etý jáne ırrıgasııa júıelerin jaqsartý maqsatynda júzege asyrylmaq.
Budan bólek, Nurjan Nurjigitov ońtústik óńirlerdegi ınfraqurylymdy jańǵyrtý josparyn bólisti. Atap aıtqanda, bes oblysta jalpy uzyndyǵy 986 shaqyrymdy quraıtyn 103 kanalǵa arnalǵan 96 jobany rekonstrýksııalaý jáne avtomattandyrý jumystary bastalady.