Túrkistannyń «Dara urpaq» teatry

Memleket basshysy erekshe balalarǵa medısınalyq jáne áleýmettik qoldaý kórsetý maq­satynda ońaltý ortalyq­tarynyń jelisin keńeıtýdi tapsyrǵan bolatyn. Osy oraıda oblysta tıisti jumys júrgizilip, qoldaý kórsetilip keledi. Túrkistanda ınklıýzıvti baǵytta alǵashqy óner ujy­my ashylyp, «Jaryq» qoıylymyn usynýy – sol qoldaý nátıjeleriniń bir kórinisi. «Kongress holl» kópsalaly kesheninde ótken is-sharaǵa oblys ákimi Nuralhan Kósherov qatysyp, teatrdyń ashylýymen quttyqtady.

«Bul – jaı ǵana teatr emes, óner men jiger toǵysqan múmkindikter alańy. О́nerde de teń múmkindikter qalyp­tastyryp, erekshe qabiletti balalardyń talantyn tanytýdy maqsat etken teatrdyń bolashaǵy jarqyn bolady dep senemin. Bıyldyń ózinde oblystaǵy kásibı 3 teatrda 310 qoıylym kórsetilip, 30-ǵa jýyq premera kórermen nazaryna usynyldy. Qoıy­lymdar elimizdiń birneshe aımaǵynda sahnalanyp, halyqtyń erekshe yqylasyna ıe boldy. «Dara urpaq» teatry da osy óner ujymdary cııaqty bıik shyńdardy baǵyn­dyrady dep senemin. Sebebi bul teatrda ónerli, qaısar jáne asa talantty balalarymyz óner kórsetedi», dedi oblys ákimi.

Sondaı-aq saltanatty rásimde teatr­dyń quryl­taı­shylary – áleýmettik kásipker Rýhabza Qaldarbek pen «Dara urpaq» qoǵamdyq qorynyń basshysy, qalalyq máslıhat depýtaty Erbol Kóke­nov bul premera úzilmegen úmittiń, erekshe jandardyń jeńisi ekenin atap ótti.

Mıýzıkl LED ekrannan qa­tysýshy­lardy tanys­ty­ratyn beınerolık­pen bas­talyp, Álıdiń áserli sah­nalyq kórinisimen jalǵas­ty. Qo­lar­badaǵy bıshiler­diń toptyq bıi men «Erek­she balalardyń» óneri kórer­menge ózgeshe áser syılady. Sonymen qatar beınerolık arqyly balalardyń sýret baıqaýyndaǵy eń úzdik shyǵarmalary kórermen nazaryna usynyldy. Sahna tórinde DSP, Daýn sındromy, aýtızm, RAS, ZPR dıagnozy bar, kórý jáne estý qabileti shekteýli 70 talantty bala óner kórsetti. Qoıylym sońynda barlyq qatysýshy «О́mir súr» ánin oryndady. Daryndy balalardy oblystyń teatr ártisteri men jas ónerpazdary da qoldap, birge óner kórsetti.

TÚRKISTAN