Memleket basshysy Qasym-Jomart Toqaev Halyq ártisi, Qazaqstannyń Eńbek Eri Asanáli Áshimovtiń dúnıeden ótýine baılanysty onyń otbasy men jaqyndaryna kóńil aıtty, dep habarlaıdy Aqordanyń baspasóz qyzmeti.
– Asanáli Áshimov búkil sanaly ǵumyryn teatr jáne kıno salasyna arnap, tól mádenıetimizdiń kókjıegin keńeıtýge ólsheýsiz úles qosty. Ol kóptegen obrazdardy sheber somdap, kórermen qaýymnyń ystyq yqylasyna bólendi. Cahna sańlaǵy ári kásibı kınoger retinde sońyna óshpes iz qaldyrdy. Jas ónerpazdarǵa baǵyt-baǵdar berip, rýhanı sabaqtastyqtyń saqtalýyna zor eńbek sińirdi. О́reli ónerdiń týyn bıik ustap, ónegeli ǵumyr keshken Asanáli Áshimovtiń jarqyn beınesi halqymyzdyń júreginde saqtalady, – dep jazylǵan jedelhatta.