Elimizde óndiris ashyp, qural-jabdyq ákeletin kásipkerler úshin mańyzdy ózgeris ázirlenip jatyr. Jańa Salyq kodeksi aıasynda ımportqa qosylǵan qun salyǵyn bir jylǵa deıin keıin tóleýge múmkindik berilmek. Bul shaǵyn jáne mıkro bıznestiń tynysyn ashýǵa baǵyttalǵan, dep jazady Egemen.kz.
Úkimet otyrysynda Qarjy mınıstri Mádı Takıev bızneske qoldaý sharalaryn tanystyrdy. Mınıstrdiń aıtýynsha, jańa Salyq kodeksinde bereshekti kepilsiz jáne bank kepildiginsiz keıinge qaldyrý tetigi engiziledi.
Soǵan saı, 1,5 myń AEK-ke deıingi (shamamen 6,5 mln teńge) salyq bereshegi bar kásipkerler qaryzyn bir jylǵa deıin bólip tóleý ne keıinge qaldyrý múmkindigine ıe bolady. Ol úshin múlikti kepilge qoıý nemese bank kepildigin alý talap etilmeıdi.
Mınıstr bul qadam bıýrokratııalyq kedergilerdi azaıtatynyn aıtty. Kepildi baǵalaý men saqtandyrý qajet bolmaıdy, qujat rásimdeý ýaqyty da qysqarady. Bir deńgeıli monıtorıngke kiretin kásipkerlerge bereshekti 12 aıǵa deıin kepilsiz óteý joly ashylady.
Jańa salyq rejımi bızneske qandaı múmkindikter syılaıdy?
Eń ózekti jańalyqtardyń biri – óndiris salasyna qatysty. О́nim shyǵarýǵa arnalǵan taýarlardy shetelden ákeletin kásipkerler úshin ımport kezindegi QQS tólemin bir jylǵa deıin keıinge qaldyrý múmkindigi qarastyrylǵan. Bul, ásirese, jańa seh ashyp jatqan, qural-jabdyq satyp alatyn kásipkerlerdiń aınalym qarjysyn saqtaýǵa kómektesedi.
QQS ósimi qurylys salasyn shyǵynǵa ushyrata ma?
Sarapshylardyń pikirinshe, bul sheshim shaǵyn óndiristiń damýyn jedeldetip, kásipkerlerge bastapqy kezeńdegi qarjylyq qysymdy azaıtady.